TOShKENT, 9 avg - Sputnik. O‘zbekistonda havo salqinladi. Sinoptiklarning 9-avgustdan havo harorati pasayishi to‘g‘risidagi bashorati o‘zini oqladi, deb xabar bermoqda Sputnik O‘zbekiston muxbiri.
Sinoptiklar 9-avgustdan havo harorati 41 darajadan 36 darajaga pasayishini bashorat qilgan edilar. Kechasi havo harorati atigi 21 daraja bo‘lishi kutilmoqda.
Shu bilan birga quyoshli kunlar saqlanib qolishi aytilgan.
Eslatib o‘tamiz, iyul oyi oxirida meteorologlar havo salqinlashi haqida bashorat qilgan edi, ammo bu bashorat amalga oshmagandi.
Iyul oyi oxiri va hatto avgustning boshi O‘zbekistonda juda issiq kechdi va hatto yangi rekordlar o‘rnatildi.