Ekspert fikriga ko‘ra, Atambayev "o‘zi uchun umrbod qamoq jazosini tilab olishga ulgurgan", uning tarafdorlari orasida esa mamlakatda tartibsizliklar boshlanishini xohlovchilar bor. Ko‘plar bu muammoga faqatgina sobiq prezidentni Qirg‘izistondan chiqarib yuborib yechim topish mumkin, degan fikrda.
"Almazbek Sharshenovich - uning psixologik xususiyatidan kelib chiqqan holda aytish mumkin-ki janjalga moyil odam", - deb hisoblaydi ekspert.
Eslatib o‘tamiz, Qirg‘izistonning sobiq prezidenti Almazbek Atambayev korrupsiyada ayblanmoqda, u 26-avgust sanasiga qadar SIZOga yuborilgan.
Atambayev 8-avgust kuni maxsus operatsiya davomida qo‘lga olindi.
So‘nggi ma’lumotlarga ko‘ra, Atambayevning qarorgohi shturm qilinishi oqibatida 85 kishi jabrlangan, bir nafar maxsus xizmat xodimi o‘q tegishidan halok bo‘lgan.