TOShKENT, 9 avg - Sputnik. Qirg‘izistonning sobiq rahbari Almazbek Atambayev korrupsiyada ayblanmoqda, u 26-avgust sanasiga qadar SIZOga yuborilgan, deb xabar qilmoqda Sputnik Qirg‘iziston.
Eslatib o‘tamiz, Almazbek Atambayev kuni kecha, 8-avgust kuni maxsus operatsiya davomida qo‘lga olingan edi.
Yurist so‘zlariga ko‘ra, IIV sobiq prezidentni u QR Jinoyat kodeksining "Korrupsiya" haqidagi 319-moddasini buzganlikda ayblanayotgani haqida ogohlantirgan. Vazirlikning o‘zi bu borada sal kechroq izoh berishlarini ma’lum qilgan.
Qirg‘iziston IIV matbuot xizmati ayni vaqtda Bishkekda tunda sobiq-prezident Atambayevning 40 nafar tarafdorlari qo‘lga olingani haqida bayonot bergan.