TOShKENT, 7 avg – Sputnik. Britaniyalik teleboshlovchi Maykl Buyerk (Michael Buerk) semizlik bu kasallik emasligini ma’lum qildi. Shuning uchun ortiqcha vaznga ega bo‘lgan kishilarni davolashning xojati yo‘q. Bu haqda RIA Novosti Metro nashriga tayanib xabar qilmoqda.
“Siz semizsiz, chunki juda ko‘p yeysiz”, - deya yozgan jurnalist.
Uning so‘zlariga ko‘ra, semiz kishilar “xasta emas, balki zaifdir” va ularning o‘limi milliy sog‘liqni saqlash xizmatining pullarini saqlab qolishga imkon beradi.
Buyerk uzoq umr ko‘rishni hayotning asosiy maqsadi qilishning aslo xojati yo‘qligini qo‘shimcha qilgan. Ortiqcha vaznga ega bo‘lganlarning erta hayotdan ko‘z yumishini demografik disbalansga qarshi kurashda “fidokorona qurbonlik” deb hisoblash mumkin.
Qanday qilib qorinni yo‘qotsa bo‘ladi: olimlar eng samarali usulni aniqladi
Britaniya hukumati ma’lumotlariga ko‘ra, deyarli har uchinchi katta yoshdagilar va 11 yoshgacha bo‘lgan har beshinchi bola semizlik xastaligidan aziyat chekmoqda.