TOShKENT, 6 avg – Sputnik. Farg‘onada fuqaro Rossiyada bo‘lgan tanishining uyini sotib yubordi.
IIV xabariga ko‘ra, 61 yoshli V.T. ota-onasi tomonidan meros sifatida qoldirilgan uyni tanishi sotib yuborganligi to‘g‘risidagi ariza bilan murojaat qilgan.
Surishtiruv natijasida Toshloq tumanida yashovchi 42 yoshli S.Yu. uning Rossiya davlatida bo‘lganidan foydalanib, uyni 13000 dollarga sotib yuborganligi aniqlangan.
Holat yuzasidan jinoyat ishi qo‘zg‘atilgan va S.Yu. qo‘lga olingan.
Hozirda tergov harakatlari olib borilmoqda.