TOShKENT, 15-iyul – Sputnik. Buyuk Britaniya bosh vaziri Tereza Mey yana omma oldida raqsga tushdi. Ijtimoiy tarmoq foydalanuvchilari bu haqda video joylashtirishdi.
Bu rolik Henley festivalida olingan. Videoda Britaniya bosh vaziri ABBA guruhining Dancing Queen xit qo‘shig‘iga raqsga tushgani aks etgan.
Tereza Meyning omma oldida raqsga tushishi internet foydalanuvchilarining e’tiborini bir necha marta jalb qilgandi.
O‘tgan yili Keyptaunda maktab o‘quvchilari bilan raqsga tushgandi. Keyinchalik Konservativ partiyasi syezdidagi chiqish qilganda Dancing Queen qo‘shig‘iga raqsga tushgandi.