TOShKENT, 12-iyul – Sputnik. O‘zbekistonning Olmaota shahridagi Bosh konsulxonasi bergan ma’lumotga ko‘ra 2019-yil 11-iyul kuni mahalliy vaqt bilan soat 14:00da Qozog‘istonning Qizilo‘rda viloyati Janaqo‘rg‘on tumanidagi avtomobil yo‘lida ichida ikki nafar o‘zbekistonlik bo‘lgan VAZ-2107 avtomashinasi ishtirokida yo‘l-transport hodisasi ro‘y berdi.
Bu haqda Tashqi ishlar vazirligi matbuot xizmati xabar qildi.
YTH oqibatida O‘zbekiston fuqarosi Sh.D. vafot etdi, ikkinchi fuqaro M.K.ga birinchi zarur tibbiy yordam ko‘rsatilganidan so‘ng kasalxonaga yotishga zarurati yo‘qligi ma’lum qilindi.
Bosh konsulxona vaziyatni nazoratga olgan.