TOShKENT, 9-iyul - Sputnik. Qashqadaryoda fuqaro aka-ukani o‘roq bilan jarohatladi.
IIV xabariga ko‘ra, 5-iyul kuni Yakkabog‘ tumanida yashovchi 31 yoshli E.B. Surnaytepa qishlog‘idagi zovur oldida o‘zaro janjal tufayli hamqishloqlari 27 yoshli M.K. va uning 25 yoshli ukasini o‘roq bilan jarohatlagan.
Natijada olingan jarohat sababli aka-ukalar kasalxonaga yotqizilgan.
Xabarda hozir jinoyatchi qo‘lga olingani qayd etilgan.
Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.