TOShKENT, 5-iyul – Sputnik. Ukraina prezidenti Vladimir Zelenskiyning matbuot xizmati Ottava o‘rniga Torontoni Kanada poytaxti deb atadi. Bu haqda RIA Novosti xabar qildi.
“Mamlakat rahbari Kanada poytaxti — Torontoda bo‘lib o‘tadigan Ukrainadagi islohotlarni qo‘llab-quvvatlashga qaratilgan xalqaro anjumanda ishtirok etadi”, — deyiladi prezident matbuot xizmatining xabarida.
Keyinroq matbuot xizmati xodimlari Toronto — Kanadaning Ontario provinsiyasi poytaxti, deya o‘z xatosini to‘g‘irlab qo‘ygan.
Ukraina prezidenti Vladimir Zelenskiyning matbuot xizmatining xatosi ijtimoiy tarmoqda katta kulgiga sabab bo‘ldi.