TOShKENT, 19-iyun -Sputnik. Nufuzli xalqaro reyting agentliklaridan biri Fitch Ratings Toshkent shahrining uzoq muddatli xorijiy va milliy valyutadagi kredit reytinglari darajasida "BB-" prognozli "Barqaror" maqomini tasdiqladi. Bu haqda poytaxt hokimligi Sputnik O‘zbekiston muxbiriga ma’lum qildi.
“Ta’kidlash joiz, bu poytaxtimizning mazkur yo‘nalishdagi ilk xalqaro e’tirofidir”, - deyiladi xabarda.
Rossiya federatsiyasi, MDH va Qoradengiz mintaqasi bo‘yicha "Fitch Rating" agentligining mintaqaviy rahbari Dmitriy Surkov tomonidan Toshkent shahar hokimi J.Artikxodjayevga barqaror progonozli “BB-” suveren kredit reytingini tasdiqlovchi sertifikat topshirildi.
Surkovning so‘zlariga ko‘ra, ushbu xalqaro darajadagi e’tirof Toshkentning investitsiyaviy jozibadorligini oshiradi, poytaxt iqtisodiyoti xalqaro miqiyosda barqaror rivojlanayotganini tasdiqlaydi.