TOShKENT, 17-iyun – Sputnik. Rossiya hukumati raisi Dmitriy Medvedev O‘zbekiston bosh vaziri Abdulla Aripov bilan telefon orqali muloqot qildi.
Rossiya hukumati matbuot xizmati xabariga ko‘ra, tomonlar savdo-iqtisodiy hamkorlikni mustahkamlash va muloqot jadvalini muhokama qilishdi.
“Dmitriy Medvedev va Abdulla Aripov shuningdek ikki tomonlama savdo-iqtisodiy hamkorlik va hukumatlararo yo‘nalishi bo‘yicha bo‘lajak muloqot jadvalini muhokama qildi”, - deyilgan xabarda.
Bundan tashqari, hukumat rahbarlari Urganch shahrida 30-may kuni Rossiya va O‘zbekiston hukumat rahbarlari darajasidagi Qo‘shma komissiyaning birinchi majlisida erishilgan kelishuvlar ijrosi bo‘yicha amalga oshirilayotgan ishlarni muhokama qildi.