TOShKENT, 17-iyun – Sputnik. O‘zbekiston TIV Istanbulda jasadi gilamga o‘ralgan holda topilgan ayol kishining shaxsi aniqlanganini ma’lum qildi.
Mamlakatning Bosh konsulxonasi bergan ma’lumotlarga ko‘ra, huquqni muhofaza qilish organlari bilan birgalikda olib borilgan tekshiruvlardan so‘ng 2019-yil 30-may kuni Istanbul shahrida (Turkiya) jasadi gilamga o‘ralgan holda topilgan ayol kishining shaxsi aniqlandi.
“Marhuma 1992-yil 31-dekabrda tug‘ilgan O‘zbekiston fuqarosi O.N. bo‘lib chiqdi”, - deyiladi xabarda.
Xabarda mazkur holat yuzasidan tergov ishlari davom etayotgani ta’kidlangan.
Eslatib o‘tamiz, avvalroq Rossiyaning Sankt-Peterburg shahrida O‘zbekiston fuqarosining jasadi topilgani xabar qilingan edi.