TOShKENT, 14-iyun – Sputnik. Hukumatning ayrim qarorlariga qo‘shimchalar kiritildi.
Bu haqda Adliya vazirligi "Huquqiy axbrot" kanali xabar qildi.
Kiritilgan qo‘shimchalarga muvofiq Qurolli Kuchlar markaziy ashula va raqs ansambli artistlari va badiiy xodimlariga:
- uzoq muddat xizmat qilganligi uchun lavozim maoshiga nisbatan har oylik taqdirlash puli;
- pensiyaga chiqishda – imtiyozli pensiyaga chiqish huquqiga ega bo‘lgan artistlar uchun eng kam oylik ish haqining 75 foizi (152 ming so‘m) miqdorida, artistlar va badiiy xodimlar uchun 50 foiz (101 ming 365 so‘m) miqdorida oylik ustama to‘lanadi.