TOShKENT, 11-iyun – Sputnik. Toshkent viloyatida fuqaro amakisining umriga zomin bo‘ldi.
O‘zbekiston IIV Jamoatchilik va OAV bilan aloqalar boshqarmasining xabar qilishicha, Quyichirchiq tumanida 41 yoshli fuqaro Beshkek mahallasi Qorasuv ko‘chasi hududidan oqib o‘tuvchi “Kollektor” kanali ustiga o‘rnatilgan ko‘prik ustida o‘zaro janjal oqibatida 61 yoshli amakisini itarib yuborgan.
Amakisi ko‘prik ustidan pastga yiqilib tushib, jarohat olgan.
“Natijada A.K. kasalxonaga yotqizilgan va ko‘rsatilgan tibbiy muolajalarga qaramay 9 iyun kuni shu yerda vafot etgan”, - deyiladi xabarda.
Xabarda jinoyatsi qo‘lga olingani qayd etilgan.
Holat yuzasidan O‘zbekiston Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, avvalroq Namanganda 24 yoshli fuqaro amakivachchasini pichoqlab qo‘ygani xabar qilingan edi.