TOShKENT, 5-iyun – Sputnik. Niderlandiyalik 17 yoshli Noa Potxoven evtanaziyadan faydalanib, bu yorug‘ olamni tark etdi, deb xabar beradi Daily Mail.
Ma’lum qilinishicha, qiz o‘smirligida jinsiy zo‘ravonlik qurboniga aylangani sabab posttravmatik stress, tushkunlik va anoreksiyadan aziyat chekkan. U uzoq yillar psixiatrik klinikalarda davolangan, 16 yoshida “G‘alaba qozonish yoki o‘qish” nomli avtobiografik kitob ham yozgan.
Shifokorlar qiz 17 yoshga to‘lganidan ikki kun o‘tib unga inyeksiya yuborgan.
Niderlandiya qonunchiligiga ko‘ra, shifokor bemorning og‘riqlarini chidab bo‘lmas darajada deb topsa, 12 yoshdan oshganlar evtanaziya qilinishi mumkin. 17 yoshdan oshgan fuqarolargina ota-onasining roziligisiz evtanaziyadan foydalana oladi.