TOShKENT, 31-may — Sputnik. Bir guruh amerikalik ispaniyalik va braziliyalik olimlar yurak-qon tomir tizimi kasalliklarini rivojlanishiga yordam beradigan mahsulotlar ro‘yxatini tuzdilar. Bu haqda MedicalXpress portali xabar qildi.
105 ming nafar ko‘ngilli ishtirok etgan uzoq muddatli tadqiqotlar shuni ko‘rsatdiki, yuqori darajada qayta ishlangan mahsulotlar eng zararli oziq-ovqat sanaladi.
Non mahsulotlari, yarim tayyor mahsulotlar, gazli ichimliklar, makkajo‘xori yormasi, qayta tiklangan go‘sht va baliq mahsulotlari yuqorida darajada ishlangan mahsulotlar hisoblanadi. Ular tarkibida shakar, yog‘, tuz, sun’iy rang va ta’m ko‘p miqdorda mavjud. Buning evaziga ushbu mahsulotlar tarkibida vitamin va to‘qimalar juda kam bo‘ladi.
Ma’lum bo‘lishicha, yuqori darajada qayta ishlangan oziq-ovqatni iste’mol qilish 11-13 foizga turli yurak va qon tomirlari kasalliklari xavfini oshiradi.
Tadqiqot natijalariga ko‘ra, kuniga to‘rt porsiyadan ziyod qayta ishlangan oziq-ovqat mahsulotlarini iste’mol qilish 62 foizga o‘lim xavfini oshiradi. Bunday mahsulotlarning har bir qo‘shimcha qismi ushbu xavfni 18 foizga oshiradi.
Avvalroq olimlar kuniga uch marta qisqa mashqlar qorin qismidagi yog‘ni yo‘qotish uchun yordam berishini aniqlashgani xabar qilingan edi.