TOShKENT, 28-may – Sputnik. Qozog‘iston prezidenti Kasim-Jomart Tokayev Rossiya, Belarus va Qirg‘iziston prezidentlarini “Qozog‘iston birinchi prezidenti – Yelbasi Nursulton Nazarboyev” ordeni bilan mukofotlash to‘g‘risida qarorni imzoladi, deb xabar qildi Akorda matbuot xizmati.
Qozog‘iston davlat mukofotlari Rossiya prezidenti Vladimir Putin, Belarus rahbari Aleksandr Lukashenko va Qirg‘iziston yetakchisi Sooronbay Jeenbekovga berildi.
Tokayev qarori imzolangan kundan boshlab kuchga kirdi.
Eslatib o‘tamiz, ertaga, 29-may kuni Nur-Sultonda Yevroosiyo ittifoqini tashkil etish to‘g‘risida bitimni imzolanganiga 5-yil to‘lishi munosabati bilan yig‘ilish o‘tkaziladi.
Tadbirda Yelbasi Nursulton Nazarboyev, Qozog‘iston prezidenti Kasim-Jomart Tokayev, Belarus prezidenti Aleksandr Lukashenko, Qirg‘iziston prezidenti Sooranbay Jeenbekov, Rossiya prezidenti Vladimir Putin, Armeniya bosh vaziri Nikol Pashinyan ishtirok etadi.
Shuningdek, yig‘ilishda YeOIIda kuzatuvchi davlat sifatida - Moldova prezidenti Igor Dodon, Tojikiston prezidenti Emomali Rahmon va MDH ijroiya qo‘mitasi raisi Sergey Lebedev faxriy mehmon sifatida qatnashadi.