TOShKENT, 24-may – Sputnik. Ukraina tergov davlat burosi “Kuznya na Ribalskom” zavodini sotishda Potr Poroshenko tomonidan 300 million dollarni qonuniylashtirish holati bo‘yicha jinoiy ishi qo‘zg‘atilgan.
Bu haqda RIA Novosti xabar qildi.
“Bugun yangi jinoyat ishi ro‘yxatga olindi va “Kuznya na Ribalskom” zavodini sotishda Potr Poroshenko ofshor harakatlari oqibatida 300 million dollarni qonuniylashtirish holati bo‘yicha tekshiruv boshlandi”, - deb ta’kiladi huquqshunos Andrey Portnov.
Ukrainaning sobiq prezidenti Potr Poroshenkoga qarshi uchinchi jinoiy ish bo‘ladi. Bundan avval Poroshenkoga qarshi “Sentrenergo” OAJda lavozimlarni taqsimlashdagi harakatlar hamda davlatga xiyonat ayblovi bilan jinoiy ishlar qo‘zg‘atilgandi.