TOShKENT, 23-may – Sputnik. Rossiya prezidenti Vladimir Putin RT va “Rossiya segodnya” xalqaro axborot agentligi bosh muharriri Margarita Simonyanga davlat mukofotini taqdim etdi.
Bu haqda RIA Novosti xabar qildi.
Tantanali marosim Kremlning Yekaterina zalida o‘tkazildi.
Orden va medallar bilan mukofotlanganlar ichida 30 dan ortiq uchuvchi-kosmonavtlar, ilm, ta’lim, sog‘liqni saqlash, sport sohalari namoyondalari, taniqli artistlar, sanoat va qishloq xo‘jaligi ishchilari bor.
Margarita Simonyan Aleksandr Nevskiy ordeni bilan taqdirlandi.
“Rossiyaga xizmat qilaman. Hayotdagi eng oliy mukofot uchun sizga rahmat. Vatanga xizmat qilish - bu imkoniyat, bu sharafdir”, - deb minnatdorlik bildirdi Simonyan.
Aleksandr Nevskiy ordeni - Vatan oldida alohida xizmatlari, shu jumladan Rossiyaning xalqaro obro‘-e’tiborini kuchaytirishga shaxsiy hissa qo‘shgan davlat xizmati lavozimida ishlovchi Rossiya Federatsiyasi fuqarolariga taqdim etiladi.