TOShKENT, 15-may — Sputnik. Kaliforniyada istiqomat qiluvchi yosh kelin-kuyov to‘y hamda xolasining dafn marosimini bir vaqtda o‘tkazishga qaror qilishdi.
Ular bu haqda ijtimoiy tarmoqda post qoldirdilar. Post foydalanuvchilarning keskin tanqidiga nishon bo‘ldi, deb xabar berdi RIA Novosti The Sun nashriga tayangan holda.
Sevishgan juftlik qarindoshining vafot qilgani uchun qayg‘uda ekani, biroq o‘z rejalarini o‘zgartirishni xohlamasligini ma’lum qilgan.
“Biz barchamiz chuqur qayg‘udamiz, lekin kelgusi haftada to‘yni bekor qilmaymiz, deb va’da beramiz”, - deb yozgan yoshlar.
Ularning fikricha, dafn marosimi katta xarajat talab etadi, shu bois yoshlar visol kechasini marhum xolasini so‘nggi manzilga kuzatish bilan birga nishonlashga qaror qilgan.
Post ijtimoiy tarmoq foydalanuvchilarining keskin tanqidiga uchradi.