TOShKENT, 15-may – Sputnik. Toshkent viloyatida Moldova fuqarosi paxta ekin dalasini payhon qildi.
O‘zbekiston IIV Jamoatchilik va OAV bilan aloqalar boshqarmasining ma’lum qilishicha, Yuqorichirchiq tumanida 13-may kuni Moldova Respublikasi fuqarosi 31 yoshli K.V. boshqaruvidagi “Kobalt” avtomashinasida noma’lum ayol bilan “Nizomiddin Anro-omad” fermer xo‘jaligi paxta ekin dalasiga kirgan.
“Paxta ekin dalasining 0.1ga maydonini avtomashinada payxon qilib, moddiy zarar yetkazgan”, - deyiladi xabarda.
Ta’kidlanishicha, K.V.ga qonuniy chora ko‘rish uchun to‘plangan hujjatlar sudga yuborilgan.