TOShKENT, 23 apr - Sputnik. Rossiya prezidenti Vladimir Putin va Shimoliy Koreya rahbari Kim Chen In 25-aprel kuni Uzoq Sharq Federal universitetida (UShFU) uchrashadi, deb xabar qilmoqda Rossiya OAVlari.
Xabarda aytilishiga ko‘ra, KXDR yetakchisi Rossiya hududiga 24-aprel chorshanba kuni zirhlangan poyezdda kirib keladi. U bilan birga 230 kishidan iborat delegatsiya ham Rossiyaga tashrif buyuradi. Kim Chen In UShFU kampusidagi lyuks xonalardan birida joylashadi.
Payshanba kuni ikki davlat rahbarlarining muzokaralari bo‘lib o‘tadi. Shundan so‘ng Vladimir Putin Pekinga “Belbog‘ va yo‘l” tashabbusida ishtirok etish uchun yo‘l oladi.
Kim Chen In esa Vladivostokda qolib, u yerning diqqatga e’tibor joylarini tomosha qiladi.
Eslatib o‘tamiz, Shimoliy Koreya yetakchisining otasi Kim Chen Ir ham 2002-yilda Vladivostokka zirhlangan poyezdda tashrif buyurgan va shaharni tomosha qilgan edi.
Dushanba kuni Koreya Markaziy telegraf agentligi Kim Chen In yaqin oraqda Rossiyaga tashrif buyurishini xabar qilgan edi. Lekin axborot agentligi tashrifning aniq sanasini keltirib o‘tmagan.