TOShKENT, 22 apr — Sputnik. O‘zbekistonlik Ubaydullo Isoqov Malayziyadagi Xalqaro Qur’on musobaqasida to‘rtinchi o‘rinni egalladi. Bu haqda TIV matbuot xizmati xabar qildi.
15-20 aprel kunlari Malayziya poytaxti Kuala-Lumpurda dunyoning 71 mamlakatidan 107 nafar hofizlar ishtirok etgan 61-Xalqaro Qur’on musobaqasi o‘tkazildi.
“O‘zbekiston nomidan ishtirok etgan Ubaydullo Isoqov Qur’onni yoddan o‘qish bo‘yicha to‘rtinchi o‘rinni egalladi. Mufazzala Saydaliyeva esa Qur’on o‘qish bo‘yicha yettinchi o‘rinni egallagan”, - deyiladi xabarda.
G‘oliblarga esdalik sovg‘alari Malayziya qiroli Abdulla Sulton Ahmad Shoh tomonidan topshirilgan.
Mazkur musobaqa 1961-yil Malayziya bosh vaziri Tunku Abdul Rahman tomonidan tashkil etilgan va har yili Malayziya hukumati patronaji ostida o‘tkaziladi.