TOShKENT, 8 apr — Sputnik. Namangan viloyatidada yuz bergan YTH oqibatida ikki kishi halok bo‘ldi.
O‘zbekiston IIV Jamoatchilik va OAV bilan aloqalar boshqarmasi xabariga ko‘ra, 2019-yil 7-aprelda Namangan viloyatining Pop tumanida yashagan fuqaro o‘zining Nexia rusumli avtomashinasini Turkiston mahallasi hududida haydab ketayotib, shu yo‘nalishda o‘zidan oldinda harakatlanib ketayotgan, fuqaro boshqaruvidagi “KrAZ-355” rusumli yuk avtomashinasi orqa tomoniga borib urilgan.
“Natijada Nexia yo‘lovchisi N.Z. jarohat olib voqea joyida, haydovchisi O.X. kasalxonada vafot etgan”- deyiladi xabarda.
Shuningdek, Nexia avtomashinasida bo‘lgan yana bir yo‘lovchi tan jarohatlari bilan kasalxonaga yotqizilgan.
Toshkentda xavfli poygalar: pensioner ayol halok bo‘ldi
Hozirda ushbu holat yuzasidan jinoyat ishi qo‘zg‘atilib, tergov harakatlari olib borilmoqda.