TOShKENT, 1 apr – Sputnik. Qirg‘iziston prezidenti apparati Vladimir Putinga sovg‘a qilingan ot va itning narxi to‘g‘risida ma’lumotlarni ochiqlamadi.
Vladimir Putin 28-mart kuni davlat tashrifi bilan Qirg‘izistonga kelgandi.
Qirg‘iziston prezidenti Sooranbay Jeenbekov do‘stlik belgisi sifatida Rossiya yetakchisiga orlov oti va taygan – qirg‘iz bo‘ribosar it bolasini sovg‘a qilgandi.
“Sovg‘a berganda, uning narxi aytilmaydi”, - deb ta’kidladi Qirg‘iziston prezident apparati tashqi siyosat bo‘limi mudiri Doniyor Sidikov.
Shuningdek, apparatda sovg‘alar kimning puliga sotib olingani to‘g‘risida ma’lumot aytilmadi.
Qirg‘izistonda toza orlov zotli otning narxi 5 ming dollardan boshlanib, yarim million dollargacha yetib borishi mumkin.
Taygan kuchuk bolasining narxi esa 100 dollardan 700 dollarni tashkil qiladi.