TOShKENT, 29 mar – Sputnik. Qozog‘iston yangi prezidenti Kasim-Jomart Tokayev ajrashgan, bu haqda Sputnik Qozog‘iston xabar qildi.
Akorda rasmiy saytida Tokayevning tarjimai holi joylashtirildi.
Unda ota-onasi, ma’lumoti, oilasi va qiziqishlari haqida ma’lumotlar yozilgan. Xususan, davlat rahbari ajrashganligi ma’lum bo‘ldi.
Kasim-Jomart Tokayev – xalqaro munosabatlar muammolari bo‘yicha 10 ta kitob muallifi, sog‘lom turmush tarzi tarafdori hisoblanadi. Badiiy, siyosiy, tarixiy adabiyotlarni o‘qish bilan qiziqadi.
Qozog‘iston prezidenti Nadejda Davidovna Tokayeva bilan turmush qurgan edi. Ayrim ma’lumotlarga qaraganda u Moskvada istiqomat qiladi. Ular o‘rtasida bir nafar farzand Timur Tokayev bor.