TOShKENT, 26 mar – Sputnik. Yengil vazn bo‘yicha UFC chempioni Habib Nurmagomedov Twitterda Makgregorning “pensiyaga ketishi” haqidagi bayonotiga munosabat bildirdi.
O‘tgan yili Makgregor yengil vazn chempionlik kamari uchun bellashuvda rossiyalik Nurmagomedovga mag‘lub bo‘lgandi.
“Junglida faqat bitta qirol bo‘lishi mumkin. Faqat bitta”, - deb yozgan Habib Nurmagomedov.
Irlandiyalik jangchi Konor Makgregor 26-mart kuni aralash yakkurash sportidagi faoliyatini yakunlagani haqida ma’lum qildi.
Konor Makgregor – UFCning ikki vazn toifasida sobiq chempion. MMAda 25 ta jang qilib, ulardan 21-marta g‘alaba qozongan va 4-marta mag‘lubiyatga uchragan.
Birinchi UFC chempionlik unvonini 2015-yilda qo‘lga kiritgan.