TOShKENT, 20 mar – Sputnik. Toshkentda kollej o‘quvchilari o‘rtasida pichoqbozlik holati qayd etildi.
O‘zbekiston IIV Jamoatchilik va OAV bilan aloqalar boshqarmasining xabar qilishicha, 2019-yil 19-mart kuni Toshkent shahrining Yashnobod tumani Visol 7-tor ko‘chasida yashovchi, “Qurilish” kasb-hunar kolleji 3-bosqich o‘quvchisi M.R. kollej oldida o‘zaro janjal tufayli kursdoshini pichoq bilan jarohatlagan.
Natijada jabrlanuvchi kasalxonaga yotqizilgan, jinoyatchi esa qo‘lga olingan. Holat yuzasidan jinoyat ishi qo‘zg‘atilgan.
Hozirda tergov harakatlari olib borilmoqda.
Eslatib o‘tamiz, avvalroq Qo‘qon shahrida kollej o‘quvchisi maktab o‘quvchisini pichoqlab jarohat yetkazgani haqida xabar qilgan edik.