TOShKENT, 11 mar – Sputnik. O‘zbekiston prezidenti Shavkat Mirziyoyev samolyotning qulashi oqibatida ekipaj a’zolari va yo‘lovchilar halok bo‘lgani munosabati Efiopiya prezidenti Saxle-Vork Zevde va BMT Bosh kotibi Antoniu Guterrishga samimiy hamdardlik bildirdi. Bu haqda prezident matbuot xizmati xabar qildi.
Eslatib o‘tamiz, avvalroq Efiopiyada Ethiopian Airlines kompaniyasining Boeing 737 yo‘lovchi samolyoti halokatga uchragani haqida xabar qilgan edik. Boeing 737-800 MAX samolyoti mahalliy vaqt bilan soat 08:38 da Efiopiya poytaxti Addis-Abebadan Keniya poytaxti Nayrobiga parvoz qilgan, soat 08:44 da esa samolyot bilan bo‘lgan aloqa uzilgan.
Halokatga uchragan samolyotda 33 davlatdan bo‘lgan 149 nafar yo‘lovchi hamda ekipajning 8 nafar a’zosi bo‘lgan. Shuningdek, halok bo‘lgan orasida BMT tizimining 19 nafar xodimi bo‘lgan.