TOShKENT, 4 mar — Sputnik. Bugun, 4-mart kuni respublika bo‘yicha antisiklon kirib kelishi bilan ba’zi joylarda yomg‘ir yog‘adi, tog‘li hududlarda yog‘ingarchilik (yomg‘ir, qor) bo‘ladi. Bu haqda O‘zbekiston FVV xabar bermoqda.
Xabarda aytilishicha, Qoraqalpog‘istonda, Xorazm, Andijon, Namangan, Farg‘ona viloyatlarida yog‘ingarchilik kutilmaydi. Ba’zi joylarda shamol 15-20 m/s.gacha kuchayishi mumkin. Havo harorati 10-15 daraja iliqni, shimolda 5-10 daraja iliqni tashkil etadi.
5 martda respublika hududlarining ko‘p qismida yog‘ingarchilik to‘xtaydi, faqat kechasi Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida barqaror ob-havo saqlanib turadi, ba’zi joylarda yomg‘ir yog‘adi, kunduzi yog‘ingarchilik kutilmaydi. Havo harorati kechasi 3-8 daraja iliqni, kunduzi 8-13 daraja iliqni tashkil etadi.
6-9 martda asosan yog‘ingarchiliksiz ob-havo bo‘lishi kutilmoqda. Havo harorati kechasi 0-5 daraja iliq, kunduzi 6-7 martda 8-13 daraja iliq; 8-9 martda 10-15 daraja iliq bo‘ladi.