TOShKENT, 22 fev — Sputnik. Moskva shahrida O‘zbekiston va Rossiya Qishloq xo‘jaligi vazirlari Jamshid Xo‘jayev va Dmitriy Patrushev o‘rtasida muzokaralar bo‘lib o‘tdi.
Uchrashuvda tomonlar mamlakatlar o‘rtasidagi hamkorlikni rivojlantirish dinamikasini mamnuniyat bilan qayd etdilar.
Savdo hajmini oshirishga qaratilgan chora-tadbirlardan tashqari, har ikki tomon o‘simlikchilik va baliqchilik, ilmiy-texnikaviy rivojlanish, qishloq xo‘jaligini raqamlashtirish va boshqa sohalarda tegishli idoralar o‘rtasida tajriba almashishga tayyor ekanligini bildirdi.
Dmitriy Patrushevning so‘zlariga ko‘ra, 2018-yilda O‘zbekiston va Rossiya o‘rtasidagi qishloq xo‘jaligi va oziq-ovqat mahsulotlari savdosi 20 foizdan oshdi.
“Qishloq xo‘jaligi mahsulotlarini yetkazib berish hajmini oshirishga yordam beradigan mavjud “Yashil yo‘lak” va boshqa bitimlarning roli ham alohida ta’kidlab o‘tildi”, - deyiladi xabarda.
Ta’kidlanishicha, uchrashuv yakunida tomonlar O‘zbekiston va Rossiya idoralari o‘rtasida, xususan, qishloq xo‘jaligi bo‘yicha o‘zbek-rossiya ishchi guruhi doirasida hamkorlikni kengaytirish bo‘yicha rejalar tuzdilar.