TOShKENT, 12 fev - Sputnik. Bishkekning bir necha yo‘laklarida 11-fevralga o‘tar kechasi “To‘yga kredit olma!” yozuvlari paydo bo‘ldi. Bu haqida jurnalistlarga ushbu aksiyani o‘tkazgan faollarning o‘zlari xabar berishdi.
Ularning fikriga ko‘ra, kredit hisobidan to‘y o‘tkazgan yoshlar to‘ydan keyin birgalikda baxtli turmush kechirish o‘rniga qarzlarni to‘lash uchun xorijga ishga ketishga majbur bo‘lishmoqda.
Aksiya o‘tkazgan faollar ushbu yozuvlarni ataylab bank muassasalariga yaqin joylardagi yo‘laklarga yozib qoldirishgan. Ular bank yoki kredit faoliyatiga qarshi emas, albatta. Ular yoshlarni xato qadam qo‘yishdan ogohlantirmoqchi xolos.