TOShKENT, 10 fev — Sputnik. O‘zbekiston Bandlik va mehnat munosabatlari vazirligi Ground Zero bilan hamkorlikda fevral oyi ichida Sergeli tumanining 8 mavzesi hududida yangi kovorking-markazi ochishni e’lon qildi.
Kovorking-markazida mashg‘ulotlar o‘tkazish va qulay ishlash uchunbarcha sharoitlar mavjud: qulay mebel, internet, kichik oshxona va dam olish hududi. Undan tashqari markazda konferens zal va event-hudud ham mavjud.
U yerda ishsiz fuqarolar uchun turli seminar va treninglar o‘tkazilshi rejalashtirilgan. Davlat bandlik xizmatlarida ro‘yxatdan o‘tgan fuqarolar kovoriking markazidan imtiyozli ravishla foydalanishlari mumkin bo‘ladi.
Biroz oldin Toshkentning Shayxontaur tumanida joylashgan Me’morchilik-qurilish institutida ham ana shunday kovorking-markaz ochilgan edi.
Kovorking (Co-working) - ingliz tilida "birgalikda ishlash" ma’nosini beradi. Kovorking markazlari tadbirkor yoki yakka tartibda ishlaydigan mutaxassislar uchun butun ofisni oyma-oy ijaraga olmasdan barcha qulayliklarga ega bo‘lgan bitta ish o‘rnini kuma-kun ijaraga olish imkonini beradi.