Rossiyalik reper Desl 35 yoshida vafot etdi

TOShKENT, 3 fev – Sputnik. Desl taxallusi bilan mashhur bo‘lgan rossiyalik reper Kirill Tolmaskiy 35 yoshida vafot etdi. Bu haqida uning otasi Aleksandr Tolmaskiy o‘zining Facebook dagi sahifasida xabar qildi.

Dastlabki xabarlarga ko‘ra Desl 3-fevralga o‘tar kechasi yurak xurujidan vafot etgan. Xonandaning konsert direktori Pavel Belenes ham ushbu ma’lumotni tasdiqladi.

Kirill Tolmaskiy 1983-yilning 22-iyulida Moskvada tug‘ilgan. Uning 2000-yilda chiqqan “Kto? Ti” nomli ilk albomi 1 million donadan ortiq sotilgan va hozirga qadar Rossiyada eng ko‘p sotilgan  musiqali disklar qatoridan o‘rin olgan.

Deslning eng ommaviy qo‘shiqlari orasida “Slezi”, “Vecherinka”, “Krov moya, krov” kabi qo‘shiqlar bor.