TOShKENT, 1 fev – Sputnik. O‘zbekistonlik top-model Nadya Nepomnyashaya xorijga chiqish pasportini oladi. Bu haqda Uznews.uz xabar qildi.
Xabarda aytilishicha, 31-yanvar kuni Nadya Nepomnyashaya Sergeli tumanidagi migratsiya va fuqarolikni rasmiylashtirish bo‘limida xorijga chiqish pasportini olish uchun fotoga tushgan.
Eslatib o‘tamiz, Toshkent xalqaro aeroportida 23-yanvar kuni Londondan uchib kelgan asli o‘zbekistonlik top-model Nadya Nepomnyashaya qo‘lga olingani xabar qilingandi.
U davlat chegarasini noqonuniy kesib o‘tgani uchun ushlangan va jinoyat ishi ochilgan.
29 yoshli Nepomnyashaya Toshkentga qallig‘i — taniqli kinoproduser Maykl Greysi bilan pasportida viza varaqlari to‘lgani sabab uni xorijiy pasportga almashtirish uchun uchib kelgandi.