TOShKENT, 29 yanv – Sputnik. Ertaga respublika hududlariga Kaspiy dengizi hududlaridan nam va deyarli salqin havo massalari kirib kelishi kutilmoqda. Bu haqda Favqulodda vaziyatlar vazirligi matbuot xizmati xabar berdi.
29-31 yanvarda respublika bo‘yicha ba’zi joylarda yomg‘ir yog‘adi, shimolda 30-yanvarda qorga aylanishi mumkin. 31-yanvarga havo harorati 6-8 darajaga pasayadi va shu davrning normal harorat qiymatlariga yaqin bo‘ladi.
1-2 fevralda Kaspiy dengizi hududlaridan deyarli salqin havo massalari kirib kelishi kutilmoqda. Respublikaning barcha hududlari bo‘yicha yog‘ingarchilik kutilmaydi, havo harorati kechasi -2...+3, kunduzi +5...+10 daraja atrofida bo‘ladi. Respublikaning tog‘li hududlari bo‘yicha 28-yanvardan 2-fevralgacha qor ko‘chishi xavfi e’lon qilindi.