Jahon futboli yulduzi, Braziliya terma jamoasi tarkibida jahon chempioni bo‘lgan Roberto Karlos Toshkentga tashrifidan oldin o‘zbekistonliklarga video orqali murojaat qildi.
Roberto Karlos 28 yanvar kuni Toshkentga tashrif buyuradi. U tashrifi davomida yosh futbolchilarga master-klasslar o‘tkazib, mehribonlik uyidagi bolajonlar bilan uchrashishi ko‘zda tutilgan.
“Salom, o‘zbekistonliklar! Dushanba kuni sizlar bilan bo‘laman, maksimal darajada vaqtni unumli o‘tkazishga umid qilaman. Ishonamanki, siz ham uchrashuvdan juda bahramand bo‘lasiz”, - dedi futbolchi.
Shuningdek, Roberto Karlos o‘zbekistonlik mashhur futbol yulduzlari va faxriylar ishtirokida tashkil qilingan 10 daqiqadan iborat 2 taymli o‘rtoqlik o‘yinida maydonga tushadi.
Murojaatni to‘liq Sputnik O‘zbekiston lavhasida tomosha qilishingiz mumkin.