TOShKENT, 8 yanv – Sputnik. Davlat bojxona qo‘mitasi xodimlari O‘zbekistonga noqonuniy ravishda olib kelinayotgan katta miqdordagi kontrabanda tovarlarini fosh qilishdi.
Buxoro viloyatida faoliyat yurituvchi mas’uliyati cheklangan jamiyatlardan biri nomiga jo‘natilgan yuk konteynerlarida, hujjatlarga ko‘ra, 389 o‘rinda qiymati 5422 AQSh dollariga teng bo‘lgan “sintetik ip” tovarlari bo‘lishi kerak edi.
Biroq konteynerlar bojxona ko‘rigidan o‘tkazilganda unda hujjatlarda ko‘rsatilmagan qiymati 5 milliard so‘mlik jami 1206 dona LG rusumli televizorlar mavjudligi aniqlangan.
Ayni damda mazkur holat yuzasidan tergovga qadar tekshiruv harakatlari olib borilmoqda.