TOShKENT, 21 dek – Sputnik. Qoraqalpog‘istonning Ellikqal’a tumanida joylashgan uylarning birida yong‘in sodir bo‘ldi, deb xabar qildi O‘zbekiston IIV YoXBB matbuot-xizmati.
Xabarda aytilishicha, yong‘in oqibatida uyning tomi, shifti va uy jihozlari hamda "VAZ 2106 Jiguli" rusumli mashina zararlangan.
Yong‘inni bartaraf etishga 4 ta o‘t o‘chirish ekipajlari jalb etilgan.
O‘tni o‘chirish vaqtida bino ichidan shu uyda yashagan to‘rt fuqaroning kuygan jasadlari topilgan.
Yong‘in kelib chiqishi sababi noma’lum.