TOShKENT, 19 dek - Sputnik. Qozog‘iston prezidenti Nursulton Nazarbayev kelib chiqishi o‘zbekistonlik bo‘lgan Rossiya milliarderi Alisher Usmonovni I darajali "Do‘stlik" ordeni bilan mukofotladi, deb xabar qildi RIA Novosti.
Qozog‘iston TIV xabariga ko‘ra, Usmonov mukofotni davlat va jamoatchilik faoliyatidagi xizmatlari, Qozog‘istonni ijtimoiy-iqtisodiy va madaniy rivojlantirishga, xalqlar o‘rtasidagi do‘stlikni mustahkamlashga qo‘shgan muhim hissasi uchun olgan.
Alisher Usmonovning kriminalga aloqasi yo‘q: Basman sudi qarori˃˃˃
Eslatib o‘tamiz, avvalroq Rossiya prezidenti Vladimir Putin Alisher Usmonov va uning rafiqasi Irina Viner-Usmonovani III va II darajali "Vatan oldidagi xizmatlari uchun" ordenlari bilan taqdirlagan edi.