TOShKENT, 13 dek - Sputnik. Bugun, 13-dekabr kuni O‘zbekiston Prezidenti Shavkat Mirziyoyev Qashqadaryo viloyatiga jo‘nab ketdi, deb xabar qildi prezident matbuot xizmati.
Davlat rahbari 13-14 dekabr kunlari uchun mo‘ljallangan tashrif davomida avvalgi topshiriqlar ijrosini ko‘zdan kechiradi, joylarda xalq hayoti bilan bevosita tanishadi.
Eslatib o‘tamiz, O‘zbekiston prezidenti Shavkat Mirziyoyevning respublika hududlari bo‘ylab tashriflarining navbatdagi bosqichi 15-16 noyabr kunlari Qoraqalpog‘iston Respublikasiga uyushtirilgan tashrifdan boshlagan edi. Undan keyin 29-30 noyabr kunlarida Xorazm viloyatiga tashrif amalga oshirilgandi.