TOShKENT, 30 okt – Sputnik. Xalqaro Mehnat tashkilotining katta maslahatchisi Jonas Astrup O‘zbekistonda bosh vazir o‘rinbosari Zoyir Mirziayevning ishdan bo‘shatilishi borasida o‘z fikrini bildirdi.
“Hukumat kuchli, aniq va to‘g‘ri qaror qabul qildi: bunday xulq-atvorga chidab bo‘lmaydi. Unvoni yoki mansabidan qat’iy nazar, hech kim – qonundan ustun bo‘lmasligi kerak. O‘zbekiston majburiy mehnatga qarshi kurashish yo‘lidan hech ikkilanmasdan bormoqda”, - dedi Jonas Astrup o‘zining Twitterida.