TOShKENT, 12 okt – Sputnik. Bugun, 12-oktabr kuni taxminan soat 14:50da, Parkent bozoriga yaqin hududda 95-yo‘nalishdagi avtobus yonib ketdi.
Facebookdagi guruhlardan birida yozilgan xabarga ko‘ra, 8-avtobus saroyiga qarashli “Mercedes Benz” markali 95-avtobus “Yunusobod 15 kvartal – Aviasozlar” yo‘nalishida harakatlangan.
Yong‘in haqidagi xabar Yong‘in xavfsizligi bo‘limi navbatchilik qismiga soat 14:57da kelib tushgan. 10 daqiqa o‘tgach yong‘in sodir bo‘lgan manzilga ikki navbatchi guruh yetib kelgan va soat 15:11 da yong‘in o‘chirilgan.
Avtobusning motor qismi yongani va buning natijasida hech kim jabrlanmagani ma’lum qilingan.
Hozirgi vaqtda yong‘in sabablarini o‘rganish bo‘yicha ishlar olib borilmoqda.