TOShKENT, 22 avg - Sputnik. O‘zbekistonlik futbolchi Vitaliy Denisovni Samaraning "Krilya Sovetov" jamoasi ijaraga oldi, deb xabar qildi futbol jamoasi matbuot xizmati.
Xabarda aytilishiga ko‘ra, Vitaliy Denisov "Krilya Sovetov" tarkibida yil oxiriga qadar o‘yinlarda ishtirok etadi.
Eslatib o‘tamiz, Vitaliy Denisov 2013-yildan buyon “Lokomotiv” jamoasi tarkibida himoyachi vazifasida to‘p surayotgan edi. Ushbu jamoa tarkibida Denisov ikki marotaba Rossiya kubogi sohibi va o‘tgan yilda Rossiya chempioni bo‘lgan edi.