TOShKENT, 9 avg - Sputnik. Federal qijiruv burosi o‘zlarining rossiyalik ekanligini aytgan bir necha nafar kishini qo‘lga oldi, deb ma’lum qildi RIA Novostiga Rossiyaning Nyu-Yorkdagi bosh konsulxonasi matbuot kotibi Aleksey Topolskiy.
Ilgariroq diplomatik missiya besh nafar rossiyalik hibsga olingani haqida xabarnoma olgandi. Iyul oyi oxirida AQSh adliya vazirligi 4,5 million dollar miqdoridagi yirik tovlamachilik ishi va pul yuvish ishini surishtirish doirasida 25 kishi hibsga olinganini, keyinroq ular orasida besh nafar rossiyalik borligini xabar qilgandi.
"FQBdan o‘zlarining rossiyalik ekanini aytgan bir necha kishi qo‘lga olingani haqida rasmiy xabarnoma olindi, hozirda bu ma’lumot tekshirilmoqda", — dedi Topolskiy.