TOShKENT, 10-iyul – Sputnik. 2018 yilning 1-sentabridan boshlab, O‘zbekiston oliy ta’lim maskanlarida to‘lov-kontrakt miqdori eng kam ish haqqi asosida belgilanadi, deb xabar qilmoqda Nuz.uz nashri Oliy ta’lim vazirligi vakili Marat Zokirovga asosan.
Xabarda aytilishiga ko‘ra, OTMlar to‘lov-kontrakt miqdorlari ertadan e’lon qiladi. Bundan buyon to‘lov miqdori EKIHda o‘lchanadi. Xususan, O‘zbekiston OTMlarida eng kam yillik to‘lov 45 EKIH — 8,2 mln so‘m, eng ko‘p to‘lov esa 60 EKIH — 11 mln so‘m bo‘lishi mumkin ekan.
An’anaga ko‘ra eng qimmat oliygohlar Yuridik va Diplomatiya universitetlari. Eng kam kontrakt to‘lovlari esa – texnik va pedagogik yo‘nalishlardagi oliygohlarda.
“Shartnoma puli bir qator xarajatlarga qarab belgilanadi. Ularning asosiysi – talabalar stipendiyalaridir. Shuningdek, o‘qituvchilar maoshlari hamda labaratoriya va kommunal xizmatlar uchun to‘lovlardir”, — deyilgan xabarda.
Eslatib o‘tamiz, 15-iyuldan O‘zbekistonda oylik maoshlar, pensilar va EKIH miqdori oshishi rejalashtirilgan. Bugungi kunda EKIH 172 240 so‘m, 15-iyuldan 184 300 miqdorida belgilanadi.