TOShKENT, 22-iyun — Sputnik. O‘zbekistonlik FIFA va OFK komissari Olim Arifovga JCh-2018 doirasida "A" guruhi o‘yinlarining so‘nggi turidan o‘rin olgan Urugvay — Rossiya o‘yinida ishlaydi. Bu haqda O‘zbekiston futbol assotsiatsiyasi matbuot xizmati xabar berdi.
"Qayd etish kerakki, shu paytga qadar nafaqat O‘zbekistondan, balki Markaziy Osiyodan birorta mutaxassis JChda komissar sifatida ishlamagan. Olim Arifov bu borada birinchi bo‘ldi", deyiladi xabarda.
Urugvay — Rossiya uchrashuvi 25-iyun kuni Toshkent vaqti bilan soat 19:00da boshlanadi.
O‘zbekiston futbol assotsiatsiyasi xalqaro aloqalar bo‘limi boshlig‘i o‘rinbosari Olim Arifov avvalroq Kosta Rika — Serbiya hamda Daniya — Avstraliya uchrashuvida komissar sifatida ishlagandi.