TOShKENT, 20-iyun – Sputnik. Afg‘onistonda tinchlik o‘rnatish jarayonini ilgari surish uchun dunyo hamjamiyati "Tolibon" radikal harakatiga bosim o‘tkazishda davom etishi lozim, deb bayonot qildi AQSh vakillar palatasining xorijiy ishlar bo‘yicha qo‘mitasi eshituvida AQSh Davlat kotibi yordamchisi Ellis Uells.
"Afg‘oniston hukumatining tinchlik mojaroni tinch yo‘l bilan hal etish taklifi ularga aytilgan. Biz hozir ushbu taklifni qabul qilishlari uchun "Tolibon"ga bosimni kuchaytirishimiz darkor", — degan Uells.
Uning so‘zlariga ko‘ra, "Tolibon" rahbariyati Afg‘onistonning suverenitetiga daxldor savollar ushbu mamlakat rahbari bilan muhokama qilinishi darkorligini tushunib olmog‘i kerak. Garchi AQSh ushbu jarayon ishtirokchisi, jarayonning bir bo‘lagi bo‘lsa-da, muhokamada Qobulni chetlab o‘tib bo‘lmaydi.