TOShKENT, 7-iyun – Sputnik. Kolumbiya terma jamoasi O‘zbekiston bilan o‘rtoqlik uchrashuvi o‘tkazish bo‘yicha taklif bilan chiqdi, deb xabar berdi championat.asia.
“Kolumbiyaliklar JCh-2018 boshlanguniga qadar Yevropada O‘zbekiston bilan o‘ynashni istadi. Biroq O‘FA ushbu taklifga rad javobini berdi”, - deyiladi xabarda.
Xabarda aytilishicha, rad javobi berilishining bir qator sabablari bor.
O‘zbekiston terma jamoasi 8-iyun kuni Montevideo shahrida Urugvay bilan o‘rtoqlik uchrashuvi o‘tkazadi. Kolumbiya 12-iyun kuni Rossiyaning Qozon shahriga yetib borishi kerak.
“Terma jamoamiz Urugvaydan qaytib kelishiga vaqt juda kam edi. Bundan tashqari 10-12 iyun kunlari Superligada 15-tur bahslari bo‘lib o‘tadi”, - deyiladi xabarda.