TOShKENT, 8-may — Sputnik. Sirdaryo tumanidagi gaz quyish shaxobchalaridan birida "Neksiya" avtomashinasining gaz balloni yorilib ketdi. Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi xabar berdi.
Xabarda aytilishicha, voqea 7-may kuni Sirdaryo tumanidagi Bunyodkor mahallasi hududida joylashgan "Trans-kuch-servis" MChJga qarashli avtomashinalarga gaz quyish shoxobchasida sodir bo‘lgan.
Gaz to‘ldirilayotgan vaqtda gaz balloni yorilib ketishi natijasida mashina texnik shikastlangan.
Xabarda voqea oqibatida hech kim jarohat olmagani ma’lum qilinmoqda.